Teater Vestland: Putemannen // BØMLO

Ein forfattar i ein totalitær stat er tatt inn til avhøyr. Det har skjedd fleire brutale barnedrap, som liknar mistenkeleg på handlinga i nokre av forfattarens noveller. Er kunsten blitt imitert, eller ligg det noko meir bak?

Handlinga skyt fart i ein kaskade av lunefulle innfall og overraskande vendingar. Sanning og rettferd fordampar som bensin på bålet. Stykket utforskar forholdet mellom kunst og moral og stiller spørsmål ved kva som skjer når fantasien grip inn i verkelegheita.

Idun Losnegård spelar hovudrolla i denne svarte komedien, som er rekna som eit meisterverk frå den britisk-irske dramatikaren Martin McDonagh.

Aldersgrense 16 år.
Forestillingslengde: 2 timer (ingen pause).
______________________

På scenen
Ida Marie Bakkerud, Anderz Eide, Idun Losnegård , Gerald Pettersen og Eirik Risholm Velle

Team
Lysdesignar: Arne Kambestad.
Regissør: Terje Skonseng Naudeer.
Komponist og lyddesignar: Kjetil Schjander Luhr.
Scenograf og kostymedesignar: Åse Hegrenes

Av Martin McDonagh
Omsett av Tove Bakke

Premiere: Førde 28. feb 2025
Produsert av Teater Vestland