Brynhild Grødeland Winther - Heimsyn // Eivind Lentz - Glitterskau
I utstillingssalen:
Brynhild Winther viser ei teikna frise på papir, 35 m lang og 3 m høg.
I tillegg kjem einskilde verk montert både på frisa og andre stader i rommet. Frisa er ei tettpakka, visuell reise gjennom natur og landskap, personlege og felles minner og myter, lasta med visuelle referansar frå populærkultur, kunst og historia. I dette verket tek kunstnaren utgangspunkt i mellom anna heimlengsle. Det var noko med vinden den dagen, på stranda i Øystese, skriv ho.
Winther ser Hardanger frå utsida, som ei slags hovudpulsåre i vår kulturelle identitet, ein stad som er personleg og nær på ein underleg måte.
I foajeen:
Eivind Lentz er i desse verka inspirert av folkeeventyra og Askeladden sin kreativitet, fantasi, klokskap, list og fryktløyse.
Bileta er forma av fysiske objekt fotografert med ein A4-flatbed-skannar, ein fototeknikk kalla skannografi, noko som kan minne om stilleben og diorama.