Vegard Holum sings - Chet Baker tribute

Alle betaler inngangsbillett, mat og drikke kjem utanom. Madelynn set spareribs på menyen, inngong frå kl. 19.00. Meir info kjem seinare. Musikarane:

Vegard Holum - trompet og vokal (foto: Arnstein Lystad)
Norvald Dahl - piano
Lars Martin Vik - kontrabass
Børre Dalhaug - trommer

Vegard Holum (f. 1985) er ein musikar og komponist frå Fosnavåg med utdanning frå Universitetet i Agder og Norges Musikkhøgskole. Oppvaksen i ein musikkfamilie omgitt av kor og song vart han tidlig oppteken av melodien. Korleis den heilt på eiga hand kan skape spenning og brått bli kraftfull eller mjuk i møte med andre musikalske element. Som aspirerande jazztrompetist retta han fort merksemda mot sjølve nestoren innan melodisk trompetspel, Chesny Henry Baker Jr. Chet.

Hans uanstrengte og horisantale melodiføring over hyppige akkordskifte var djupt fascinerande. Ingen behov for å imponere eller flashe sin trompetbriljans. Han berre var musikken. Kombinert med ein filmstjernelook og laidback stil fekk han tilnamnet «Prince of Cool». No ønskjer Holum å dykke ned i Baker sitt nostalgiske univers. Han vil plukke ut sine favorittar i katalogen og tek på seg hatten som både trompetist og vokalist. For å tolke musikken har han fått med seg svært kompetente musikarar og inviterer til ei stund i cooljazzens teikn. Her er det opning for å ta på seg sin kulaste dress og drøyme seg vekk til ein kabriolet som susar nedover highwayen i California. Saman klarar vi kanskje å frambringe tilstrekkelig royal stemning slik at prinsen får den hyllesten han fortener.