Dalsfjorden er ein smal fjordarm som strekkjer seg gjennom kommunane Askvoll, Fjaler og Sunnfjord. Dalsfjorden er ein fortsettelse av Vilnesfjorden, og er til saman 43 kilometer lang. I botnen av fjorden munnar det mektige vassdraget Gaula ut.
Dalsfjorden er omringa av eit flott turterreng. Her kan du blant anna besøke Fossedalen, reise på guida RIB-tur safari til den mektige Laukelandsfossen, eller nyte spektakulær panoramautsikt frå Heileberget, 761 meter over fjorden. Dalsfjorden er også perfekt for kajakkturar eller skumringstur med Bakkejekta - ein kopi av Norges eldste bevarte trebåt, frå omlag 1750.
