Ølmheim Siderhage er vakkert plassert på Slinde ved fjorden ikkje så langt frå Sogndal sentrum.
Frå 13. mai til 17. August tilbyr Ølmheim Siderhage sidersmaking kl 16.00 måndag til laurdag kvar veke. Både forhåndsbestilling og drop-in.
Sigrid og Endre ynskjer deg velkommen til Ølmheim Siderhage. I dei bratte liene langs Sognefjorden er det fantastiske moglegheiter for fruktdyrking. Og på akkurat ein slik plass finn du Ølmheim Siderhage. Garden har vore i Ølmheim familien i godt over 300 år. Frukt har dei alltid hatt og no serverer dei ho i tillegg på flaske.
Siderhagen lager moderne, naturleg og tørr sider. Sideren blir laga på den langsame måten, slik at den får god tid til å utvikle naturlege bobler og aromaer.
Garden tilbyr omvisningar og sidersmaking heile året på forespørsel.
Pris
Pris er kr. 550 pr person.
Alle under 18 år går gratis og får eit alkoholfritt alternativ. Ein må rekne med 1 ½ - 2 timar.
På ei omvisning får de eit godt innblikk i siderproduksjon og korleis det er å drive gard i landskapet langs fjorden. Omvisninga inkluderer ein runde i frukthagane, produksjonslokalene til sider, innom siderkjellaren og avslutning med smaking av siderane i bestastova frå 1800 - talet.
Ølmheim Siderhage kan i utgangspunktet ta grupper opp til 30 personar. Er det større grupper, ta kontakt så finn dei ei løysing.
Fasiliteter:
Tilkomst med buss
Parkering
Toalett
Enkelt å bevege seg rundt på smakinga
Turmuligheter frå tunet og i nærleiken
Du kan få kjøpt sider og alkoholfri saft til sals i gardsutsalet. Det er ope kl 0830-1800 måndag til laurdag heile året.