Unik overnatting på Runde
På fugleøya Runde, to timar sør for Ålesund og like ved Fosnavåg og Ulsteinvik, finn du Runde Panorama. Ni unike hytter med store vindauge, omgitt av spektakulær natur og med panoramautsikt til fuglefjellet og storhavet. For å gi deg best mogleg utsikt, er hyttene nøye plassert i landskapet og på ein måte som set minst mogleg spor i naturen. Fasilitetar i toppklasse gir deg alt du treng for eit behageleg opphald i havgapet. Sauene ruslar rundt, og lydane frå havet, måsane og vêret skapar ein naturleg atmosfære. Her har du tid og rom til å puste, vere og ta inn dyrelivet, det vakre kystlandskapet og særpreget som årstidene gir. Har du lyst til å utforske omgjevnadane og vere med på ulike aktivitetar, er det mye å finne på – anten berre for deg og følgjet ditt eller saman med andre. Alle hyttene har eigne namn knytt til ei eller fleire fascinerande hendingar, stadar eller historier på Runde. Prisar for dei ulike hyttene og booking finn du her.
Ei heilårsoppleving
Eit opphald på Runde Panorama er ei oppleving uansett årstid. Om våren og sommaren kan du nyte fine turar på fjellet eller på sjøen, og om hausten og vinteren kan du sitte nærmast på første rad med fyr i peisen og sjå på ruskevêret og lysskiftingane i havet gjennom dei store panoramavindauga. Her kjem du verkeleg heilt nær naturkreftene, men likevel på trygg avstand.
Fuglekikking og andre aktivitetar
På Runde Miljøsenter og hos Opplev Runde kan du bestille opplevingar som f.eks. fuglesafari på Rundefjellet, coasteering, du kan vere fjøreforskar for ein dag, eller bli med på andre spennande aktivitetar.
Rundeskatten
Like i nærleiken ligg Runde Miljøsenter. Her finn du fleire utstillingar, mellom anna av den verdskjende Rundeskatten. Den stammar frå det nederlandske skipet «Akerendam», som forliste utanfor Runde i 1725 og var lasta med gullmyntar og andre verdifulle gjenstandar.
Mat og drikke
Hyttene har eit godt utstyrt kjøkken der du kan lage mat samtidig som du nyt utsikta. Om du berre vil slappe av og få levert det du trenger eller gå til næraste nabo for å spise, ligg Christineborg Gjestehus like ved hyttene. Om sommaren kan du bestille frukost og middag i restauranten dersom du ikkje vil lage mat på eiga hand, eller vi kan ordne mat til deg på anna vis om du vil det.
Korleis kome seg til Runde?
Runde har brusamband til naboøyane som er knytt til fastlandet med undersjøisk tunnel til Ørsta og Volda, eller du kan ta ferje og båt i retning frå Ålesund. Det tar ca. 2 timar å køyre til Runde inkl. ferje Sulesund-Hareid frå Ålesund. Frå Ørsta/Volda tar det om lag 1 time med bil. Hurtigruten og Kystruten stoppar i Torvik, like ved Runde. Flyplass finn du i Ålesund og Ørsta. Det går også buss til Runde. Rutetidene finn du hos FRAM.
