Opplev julestemninga i Sunnhordland! Besøk stemningsfulle julemarknader, nyt eit smakfullt julemåltid, og opplev ei magisk juleforestilling. Her finn du nokre av dei beste opplevingane i Sunnhordland som garantert set deg i rett julestemning.
Jula nærmar seg med stormskritt, og det begynnar å nærma seg opning av dei tradisjonelle julemarknadene. Endeleg skal lysa tennast i grana og lukta av bålpanna og gløggen bre om seg. Julemarknaden er plassen for å samlast, prøve spanande mat, kjøpe årets julegåve og kjenne på den lune julestemninga. I Sunnhordland finn du store og små julemarknader gjennom heile førjulstida.
Ein av dei viktigaste ingrediensane til julestemning er eit godt julemåltid.
I Sunnhordland finn du eit utval av stader der du kan nyte smakane av jula. Finn varmen og nyt roen i historiske omgivnader på sjarmerande Haaheim Gaard på Tysnes, eller spis i kongelege omgivnader på vakre Bekkjarvik Gjestgiveri i Austevoll. På Stord kan du ta turen til Brasseriet på Stord Hotell, der julestemninga er til å ta og føle på. Med moderne vestlandsk kjøkken og ein meny inspirert av sesongens beste råvarer, får du ein lun og smakfull oppleving i førjulstida.
Den beste førjulsopplevinga er å dele eit julemåltid i godt lag. Eit slikt måltid gir høve til å samle familie og vener, dele minner og kjenne på både julestemninga og dei levande tradisjonane. I november og desember tilbyr fleire restaurantar "ope" julebord som ein kan ta del i.
Få familien i julestemning med ei magisk førjulsforestilling i Sunnhordland! På Stord kan du oppleve dei sjarmerande Lubbenissane. For ei meir klassisk juleoppleving, kan du få med deg Virginia og Nissen på Bømlo Kulturhus. Den hjartevarme historia handlar om 8 år gamle Virginia, som gler seg til jul, men lurer på om nissen fins?
Ein julekonsert er den perfekte måten å kome i høgtidsstemning på. Dei vakre tonane, varme lysa og den spesielle atmosfæren gjer førjulstida ekstra magisk. Konserten gir ei stund til å senke skuldrane, dele musikkopplevinga med dei ein er glad i, og verkeleg kjenne på julegleda.
I førjulstida kan du finne fleire kjekke aktivitetar for heile familien i Sunnhordland. På Sunnhordlandstunet kan de bli med på "Jul på Museet" der det vil vera ulike aktivitetar for barn og vaksne, som å lage sin eigen julepynt eller julegåver. På Engesund Visningssenter kan heile familien òg delta på ein stemningsfull juleverkstad og lage maritime inspirerte juledekorasjonar.
Vil du ha ei overnatting borte frå julestria, eller skal du gi ei gåve til den som har alt? Då kan me anbefale ei unik overnatting i Sunnhordland. Ta ein tur heilt ut til havgapet og opplev vinterveret tett på i ei av "Stormhyttene" på Bømlo, eller ta vennegjengen eller familien med på fjelltur og overnatt i "Himmelhyttene" på Stord.
