Det er ei gleda å kunne presentera Sunnhordlandsregionen som godkjent gjennom Innovasjon Norge si merkeordning som Berekraftig reisemål. For Sunnhordland så betyr dette at me er samla i ei felles forplikting om å utvikla regionen til det beste for både innbyggjarar, besøkande og framtidige generasjonar.
Sunnhordland er reisemålet for dei som søkjer mektige naturopplevingar til fjells, på isbreen, ved fjorden, i skjergarden, unike kulturattraksjonar, lokale matskattar og eit vertskap som er stolte av regionen dei representera.
Velkommen til Sunnhordland! Sunnhordland blei remerka Berekraftigare Reisemål 4. november 2024. Du kan lese meir på Innovasjon Norge sine nettsider om dette her.
I Sunnhordland handlar arbeidet med berekraftig reiseliv om å balansera opplevingar og ansvar. Vi vil skapa reiselivsopplevingar som ikkje berre imponerar, men som òg tek vare på miljøet og respekterer den lokale kulturen. Målet vårt er å sikra at turismen gir ei positiv effekt for alle involverte – frå lokalbefolkninga og reiselivsverksemdene til dei som kjem på besøk og søker det ekte.
Gjennom berekraftsmerket har vi eit viktig verktøy som hjelper heile reiselivsnæringa å arbeide saman mot felles mål. Merket fungerer som ei rettesnor der både små og store aktørar kan få støtte til å ta berekraftige val i drifta si. Slik vernar vi om Sunnhordlands naturrikdommar og sikrar trygge, gode arbeidsplassar som skapar liv og aktivitet i regionen heile året.
Ved å prioritera langsiktige løysingar kan vi tilby besøkande ei oppleving av Sunnhordland som er så ekte at du må vera her for å tru det – samstundes som vi sikrar at kommande generasjonar òg kan nyta den same prakta.
Les meir om berekraftig reiseliv her.
I juli 2022 vart Visit Sunnhordland resertifisert som Miljøfyrtårn. Visit Sunnhordland kan med dette dokumentera at strenge krav innan tema som arbeidsmiljø, innkjøp, energi, avfall, utslepp og estetikk er tilfredsstilt.
