Geirangerfjorden er ein av stadane som filmskaparane bak Disney-suksessen «Frost» har late seg inspirere av og er kjent for sin majestetiske natur. Unikt fjordlandskap, frosne fossefall og berømte fjordgardar er noko av det du kan sjå og oppleve. Geirangerfjorden er eit populært turistmål, spesielt om sommaren. Men verdsarvområdet er minst like vakkert og spektakulært i vinterdrakt.
Vinter i verdsarven
Vinter
Sist oppdatert: 30.01.2024
© Jens H. Lyngstad / TIBE
Vil du oppleve den mektige verdsarven med frosne fossefall, snødekte fjell og det magiske fjordlyset? Då bør du besøke Geiranger i vinter. Gjennom den kalde, fine tida kan du no reise med båt frå Ålesund til den berømte UNESCO- verdsarvfjorden.
Guida fjordcruise
I vinter kan du la deg fascinere av høge, loddrette fjell som på et imponerande vis stuper ned i fjorden. Ved å delta på guida cruise frå Ålesund til Geiranger får du oppleve det unike fjordlandskapet i UNESCO-fjorden i Møre og Romsdal. Turen startar i Ålesund, og går gjennom både Storfjorden, Sunnylvsfjorden og Geirangerfjorden før båten legg til i Geiranger.
Vinteropplevingar
Ved tilkomme i Geiranger er det fleire aktivitetar og opplevingar som ventar. Du kan opplev det ikoniske utsiktspunktet Flydalsjuvet og Norsk Fjordsenter, som er besøks- og formidlingssenteret for Vestnorsk Fjordlandskap og Geirangerfjorden verdsarvområde. Cruiset er ein dagstur som tek deg tilbake til Ålesund på ettermiddag. Du kan også velja å bli att i bygda for å utforske meir av det Geiranger har å tilby på vinterstid.
© Jens H. Lyngstad / TIBE
Bli med på ei reise i tid
Naturen i Geiranger kan kjennest overveldande, men har du reflektert over kvifor fjordlandskapet har vorte forma nettopp slik? Eller fundert over korleis livet langs fjordane er og har vore? Fjordcruiset frå Ålesund blir guida av Fjord Rangers frå verdsarvsenteret i Geiranger og guidane gir deg innblikk i kulturen og livet langs fjordane.
Dette nye aktivitetsprogrammet gir deg innsikt i korleis fjordlandskapet i Geiranger har utvikla seg og korleis menneske har overlevd blant stupbratte fjell og vill natur. Målet er at besøkande skal få dei beste opplevingane og samtidig bli kjent med den unike verdsarven som finnast i Geiranger.
Opplev Geiranger
Spektakulær fossevandring
Kva gjer ein vandretur unik for deg? I Geiranger kan du blant anna gå langs Fosseråsa, landets første nasjonale turiststi. Ein nasjonal turiststi er eit definert område med svært stor attraksjonskraft og opplevingsverdi. Stien langs Fosseråsa er godt tilrettelagt, og kvar årstid gjev eit unikt preg på turen. Fossevandringa startar i Geiranger sentrum, og fortset opp til Storsæterfossen som ligg 550 meter over havet. Du kan også velje å berre gå delar av den, for eksempel opp til Fjordsenteret.
© Jens H. Lyngstad / TIBE
Gå turen saman med ein Fjord Ranger og kom tett på elvas historie om korleis vasskreftene har forma verdsarvlandskapet gjennom tusenvis av år. Du får eit innblikk i korleis pionerane i bygda tidleg såg moglegheitene i vasskreftene – eit mindre kjent eventyr i forteljinga om Geiranger. Elva endrar seg for kvar sesong. Om vinteren kan alt vere frose, og i blåtimen kjennest det trolsk å gå denne vandringa.
Lyskunst i rå natur
- Geiranger har mykje å tilby også på vinteren. Mørket gir oss anledning til å presentere lyskunst, og det finst ikkje mange slike lyskunstfestivalar i Noreg fortel Ole Jørn Myklebust, prosjektleiar i Smart Fjord Kultur.
Geiranger Lyskunstfestival er ei unik kunst- og naturoppleving, og i 2024 finn festivalen stad frå 16. februar til 2. mars.
Ta ei velfortent pause på Union Spa
Vil du ta deg ein symjetur i et varmt utandørs basseng, eller nyte eitt av landets beste spa-anlegg etter ein kald dag ute? Då kan du ta inn på Hotel Union Geiranger, som ligg ein kort spasertur frå Norsk Fjordsenter. Det familieeigde hotellet blei bygd i 1889 og har eit spanande historisk sus i veggane.
© Tone Molnes / Hotel Union Geiranger
Luksus med panoramautsikt
Finn roa og unn deg ei heilt spesiell oppleving på naturhotellet Kilsti Compact Lodge. I desse hyttene bur du i eitt med naturen, og her får du alt du treng for ei unik naturoppleving. Hyttene med panoramautsikt ligg idyllisk til ved Storfjorden, berre 30 minutt frå Geiranger.
Eit anna tilbod med fjordutsikt, god mat og ulike aktivitetar er Havila Hotel Geiranger som ligg heilt nede ved Geirangerfjorden.
Overnatting i verdsarvområdet
Bilferje på Geirangerfjorden
Vil du kome med bil til Geiranger, så går det bilferje frå Hellesylt til Geiranger frå 1. mars til 31. oktober. Du kan gjerne ta bilferja eine vegen og køyre Ørnevegen andre vegen.