Aasentunet gir deg gode opplevingar og undrande ettertankar om språk, litteratur og arkitektur. Hovudbygningen frå 2000 er teikna av meisterarkitekten Sverre Fehn og heidra med den fremste utmerkinga for arkitektur i Noreg.
Tida går fort i utstillingane som er til å sjå og ta på. Kvar dag fortel vi noko nytt om all verdas språk og språk i Noreg. IVAR AASEN (1813-96) var språkforskaren og diktaren som endra norsk historie. Han bygde det nynorske skriftspråket på levande dialektar frå heile landet, og skapte nokre av dei mest folkekjære songane.
Festspela blir arrangert i midten av juni kvart år, og er det årlege høgdepunktet i kulturprogrammet i tunet. Festspela er fire fullspekka dagar med variert program for ein kvar smak: konsertar, forfattarmøte, samtalar, foredrag, kurs og utstillingar.
Kafeen byd på smakfull mat, med husets eigen Tunblings som ein spesialitet. Butikken rommar hundrevis av varer og gåveartiklar i mange prisklassar. Mange av varene er utvikla spesielt for Aasentunet, med Aasen-boksaren som ein bestseljar.
Omvisingar i sommarsesongen der borna kan gå på skattejakt i tunet med eige aktivitetshefte som ein kan kjøpe i butikken. På sommarprogrammet finn du noko for både liten og stor.
