Du blir sjølv ein del av den romantiske tidsepoken som fann mykje inspirasjon frå den eksakte naturen og fjella rundt deg. Gjennom synsopplevingar, lukter, lydar og intim nærleik til menneske og natur. Om sommaren skiftar fargen på fjorden mellom blått, grått og grønt. Ofte irrande grønt. Det er sola og lyset som fargar møtet mellom fjordvarmen og breslammet på den måten. Grøderikdommen møter du over alt langs den romantiske vegen.
Sjå her om du vil leige sykkel
Når du syklar eller går langs Den romantiske vegen må du reise innom UNESCO Urnes Stavkyrkje som er Norges eldste stavkyrkje. Vidare innover Lustrafjorden kjem du til den vetle bygda Kroken som er mest kjent for Munthehuset som er frå 1764. Vidare kjem du til Feigesagi, Feigum og Feigefossen som er den største fossen i Luster og som er ein populær turistattraksjon.
Når du har vore å sett Feigefossen og syklar vidare så kjem du til Sørheim som var ein gamal adelsgard, og er mest kjent som den ekte saftbygda i Norge. Kari og Nils H. Lerum bygde safthuset i 1909. Om sommaren kan du få guida omvising på N.H. Lerums Saftfabrikk.
Siste stopp på Den romatiske vegen er Fjordbygda Skjolden som er endepunktet på Sognefjorden.