Utvær er Norges vestlegaste øygruppe med det vestlegaste fyret i landet. Staden har både eit historisk sus og ein fasinerande natur heilt ytst i havgapet. Utsikta frå toppen av fyret er fantastisk! Kvar laurdag frå slutten av juni til midten av august kan du bli med på fyrsafari.
Kva er Fyrsafari til Utvær
På Utvær går du Nordsjøløypa rundt øya saman med ein guide. Undervegs kan du sjå tufter etter eit kapell som vart flytta frå Utvær i 1718, og merke etter sliping av sverd. Stien er ca. 1,5 km og du vil stort sett gå i ulendt terreng. Framme ved Utvær fyr kan dei som vil gå opp i fyret for å nyte den fantastiske utsikta! Kvar laurdag frå slutten av juni til midten av august kan du bli med på fyrsafari frå til Utvær.
Viktig å ta med seg til Utvær
Hugs gode sko og ei vind- og vanntett jakke. Ta gjerne med mat og drikke. Vêret kan skifte brått ute i havgapet så det er anbefalt å ha med varme klede i sekken.
Sesong for fyrsafari til Utvær
Kvar laurdag i perioden 21. juni - 16. august kan du vere med på fyrsafari frå Hardbakke
11.00 - Avgang frå Hardbakke, Solund
11.50 - Ankomst Utvær
14.30 - Avreise frå Utvær
15.30 - Ankomst Hardbakke
Reise frå Ytre Sula
Båten kan hente deg på Kolgrov. Ring til Vidar Hop Skyssbåter på tlf. 970 18 145 for å gjere ein spesialavtale. Etter at du har gjort ein avtale kan du kjøpe billett på nett her. Du nyttar den same billetten uansett om du vil reise frå Hardbakke eller Ytre Sula.
Prisar og billettar
Ein fyrsafari billett inkluderar guiding, kaffi og vaffel ved fyret og båtreise tur/retur.
Vaksen: 1190,-
Barn (4-16 år): 350,-
Barn under 4 år: Gratis
Grunna avgrensa tal plassar på båten må turen bestillast innan kl. 17.00 dagen før avreise. Finn du ikkje ledige billettar på nett? Ta kontakt med Visit FjordKysten på tlf. 57 74 30 00 eller mail@fjordkysten.no så vil vi gjere vårt beste for å hjelpe deg.
Kvar fredag i sommarperioden kan du vere med på fyrsafari til Utvær frå Eivindvik, Skjerjehamn og Mjømna
11.00 Avgang frå Eivindvik
11.20 - Avgang frå Skjerjehamn
11.30 - Avgang frå Mjømna
12.15 - Ankomst Utvær
På Utvær får du guida omvising i Nordsjøløypa, og det vil vere mogleg å gå opp i fyret for dei som ønskjer det. Her kan du også sjå den fine butikken som er på Utvær, og det vil bli sal av suvenirar. Ved framvising av billett får de gratis kaffi og vaffel er inkludert i prisen.
14.30 Avreise frå Utvær
15.15 Ankomst Mjømna
15.25 Ankomst Skjerjehamn
15.45 Ankomst Eivindvik
Prisar og billettar
Ein fyrsafari billett inkluderar guiding, kaffi og vaffel ved fyret og båtreise tur/retur.
Vaksen: 1190,-
Barn (4-16 år): 450,-
Barn under 4 år: Gratis
Vener av Utvær
Ein prosentandel av inntektene frå billettsalet går til Vener av Utvær, ei gruppe som arbeider for å gjere fyret tilgjengeleg for alle.
Mat og drikke
Ved framvising av billett får de gratis kaffi og vaffel i fyrkaféen.
Fyrsafari gjennom heile året
Guida turar og opplevingar på Utvær er tilgjengeleg gjennom heile året på førespurnad. Ta gjerne kontakt med Vener av Utvær på post@utver.no eller ring 474 09 482.
Historia om Utvær
Utvær er eit gamalt fiskevær. Det er ingen fastbuande der i dag, men om sommaren er det mykje feriefolk. Utsikta frå fyret er utruleg flott. Bli med på ei vandring på øya der du besøker Paradis - den vakre hagen sør for fyret.
Du får også sett tufter etter kapellet som vart flytta frå Utvær i 1718 og merke etter sliping av sverd. Det mest fasinerande er likevel naturen og havet – lengst vest i Norge. Utvær er kjent frå historia heilt attende til vikingtida. I 1066 segla Harald Hardråde ut frå Solund då han skulle freiste å legge under seg England. 200 skip og dertil proviantskip og småskuter var samla. Soga seier at ein del av skipa gjekk ut frå Utvær. Slaget enda med fall ved Stamford Bridge.
På austsida av vågen ved Likberget ser ein nokre spor i berget. Historia fortel at det er spor etter vikingane som slipte sverda sine før dei drog over havet på vikingferd.I alle år var fisket hovudnæringsveg på Utvær. Kort veg til fiskefelta gjorde været til eit senter i sesongbaserte fiskeri. Det var i året 1900 det monumentale fyrtårnet vart satt opp. Fyrtårnet i støypejern ragar 31 meter over berget og sender lyskjegla i 45 meters høgde over havflata. Lysblinken blinka kvart 30 sekund og når 35 km ut i Nordsjøen.
