Kamben Kafé & Spel, Myrkdalen

Spelrommet byr på duckpin bowling, ein morosam og litt annleis variant av den tradisjonelle bowlinga, med mindre kjegler og ballar - perfekt for både nybyrjarar og erfarne spelarar. I tillegg finst moderne dartspel, der de kan konkurrera i det klassiske spelet, med ei teknologisk oppdatering. Ei datamaskin held styr på poenga og fortel kven sin tur det er, medan spelarane kan velja mellom ulike spelereglar, for å gjera opplevinga meir variert og spennande. Shuffleboard er tilgjengeleg, eit sosialt og engasjerande spel som passar for alle aldrar.

I tillegg kan du nyta enkle rettar, den beste kaffen i området og eit stort utval øl frå lokale bryggeri. Sportsendingar blir vist på TV-skjermane våre. Er det store fotballkampar eller vinteridrettssendingar på gong så skal me sjølvsagt sørga for at du ikkje går glipp av dei.