Kraftruta over Bergefjell
Dag 1
Frå Grimsosen går turen til fjellryggen mellom Toppenhytta og Skålebotn, heile vegen med storslagen utsikt over Høyangsfjorden, Sognefjorden og Stølsheimen i det fjerne. Ved start frå Grimsosen er det ein familievenleg tur på 10 km og omlag 250 m stigning. Ved start i Høyanger er turen omlag 13,5 km lang og middels krevjande med 700 m stigning. Turen er merka.
Overnatting med storslått fjordutsikt
Overnatting på Larsgarden Tunhotell som tilbyr gjestene overnatting i våningshuset frå 1901. Kjøkkensjef Pernille Yulie Baatard servera mat som smakar av grønnsaker, bær og fruk frå garden, fisk frå fjorden og hjort frå skogen.
Dag 2
Kraft i sentrum
Tettstaden Høyanger er fundert på kraft og kraftkrevjande industri. På Høyanger Industristadmuseum får du innsikt i korleis Høyanger gjekk frå å vere ei lita jordbruksbygd til å nærast over natta bli eit blomstrande industrieventyr tidleg på 1900-talet.
Byvandring i eit kraftsamfunn Langs denne byvandringsløypa får du sjå korleis Høyanger vart bygd opp som eit idealsamfunn av leiinga på aluminiumsverket, og korleis det har gitt utslag i unik industrikultur og arkitektur.