Med start frå Solvorn kan du nyte utsikten til Lustrafjorden med denne enkle turen til Lægene.
Lett tur til dei veglause frukthagane og slåtteteigane i Legene. Vakker vandring langs fjorden gjennom ur og edellauvskog. Noko ulendt, men ingen bratte parti. Høgdeskilnad: 20 m.
Historie: Gangstien har vore brukt fram til ca. 1965.
Ved Sølvkanneuri har ein trudd at det har vore graven ned ein sølvskatt i ura. Ei svensk dame som meinte ho hadde synske evne fortalde rundt år 1900 denne historia: Kona til høvdingen som levde i Solvorn ein gong i vikingtida, rømde frå mannen sin med den yngste dottera og alt sølvet han åtte. Ei skrede losna i Feivallsberget og begrov dei her.
Legene: Gamal slåttemark og frukthagar.
Mollandstå: Staden der folk frå Mollandsmarki hadde båtstøa si. Her er det mogeleg å gå opp den gamle ferdselsvegen til Mollandsmarki, men det er svært bratt og ulendt.
Fakta om turen:
Enkel fottur
Lengde: 2,8 km
Tid: 3 timar
Turen går frå Solvorn til Lægene
Høgdemeter: 38 meter totalt
Sesong: mai - oktober/november
Slik kjem du deg dit
Med bil: Ta av frå fv 55 ned til Solvorn. Parkering i Solvorn sentrum.