Opplev Myrvold Gård på Huglo – der dyreliv, lokal mat og vakker natur møtast.
På Myrvold Gård ventar rundt 100 dyr fordelt på ca. 24 forskjellige artar, både tradisjonelle gardsdyr og meir eksotiske fuglar og reptilar. Avhengig av sesong vil du finne alt frå geitekillingar og lam til små grisungar og årets kalvar som beiter saman med mora. Her kan både barn og vaksne koma tett på dyra og få ein unik oppleving der du sjølv bestemmer kva dyr du vil helse på.
Etter å ha møtt dyra kan du slappe av i den koselege kaféen der ferske boller, rundstykke, og smakfull pizza frå den vedfyrte steinovnen gjer måltidet til noko heilt spesielt. I tilknytting til kaféen ligg den sjarmerande gardsbutikken, der du kan kjøpe lokalproduserte varer basert på garden sine ressursar – perfekt som ei minne frå besøket eller ei gåve til dei heime.
For ein ekstra minneverdig oppleving, prøv glamping på Myrvold Gård. Overnattinga gjev deg moglegheita til å nyte den stille naturen og dei vakre omgjevnadene til fulle. Her vaknar du opp til fuglesong, fjordutsikt og ein ro du ikkje finn mange andre stadar.
Huglo, midt i Sunnhordland, byr på fleire vakre badeplassar og turstiar, både merka og umerka, som gjev deg lett tilgang til å utforske øya sin variert landskap. Med ferjeforbindelse til både Stord og Tysnes er det lett å finne fram, og Huglo er ikkje større enn at det er lett å orientere seg, sjølv om det er første gong du besøkjer øya.
Myrvold Gård ønskjer alle velkomen – ledsagarbevis blir akseptert, slik at flest mogleg kan få glede av denne naturnære og dyrevenlege opplevinga.
Opningstider
Sjå Facebook-sida til Myrvold Gård - eller heimesida deira for opningstider.
Sesongopning 2025 er planlagt lørdag 5. april!
