På Sanden finn du noko for ein kver smak. Det er god plass å boltre seg på om ein vil rigge seg til med handduk og parasoll og nyte late dagar, men det er og fleire aktivitetar ein kan prøve seg på. Her er det laga til volleyballbane slik at ein kan spele sandvolley, det er stupebrett og flytebrygge, og ein kan låne kajakk, kano og SUP frå DNT. Gå deg ein tur på bananøya, her finn du skulpturane Kyra og Budeia som er laga av Oddvar Torsheim og Kjartan Slettemark, to kjende kunstnarar frå Sunnfjord.
Toalett finn du på bensinstasjonen Best som ligg rett ved Sanden.