Ulvik Frukt & Cideri er ei familiebedrift på garden Hakastad. Garden ligg sørvendt og solrikt midt i fruktbygda Ulvik i Hardanger. ”Den gode eplesmaken” er basis for alle produkta deira.
Målet til garden er å utvikla ei bedrift som er tufta på kvalitet, kultur og kompetanse. Dei dyrkar dei vanlege eplesortane, men har i tillegg planta fleire gamle eplesortar og nokre engelske/franske sidersortar.
Med utgangspunkt i dette sortsutvalet, kan Ulvik Frukt & Cideri tilby ulike smaksvariasjonar av eplejuice og sider spesielle for garden Hakastad.
Prøv eplejuice og sider til ulike matrettar!
På garden er det høve for omvising i produksjonslokala med smaksprøvar, samt ein hyggjeleg handel i gardsbutikken.
