Parken ligg idyllisk til på eit område langs elva i Valldal, 7,5 km frå sentrum.
Her er montert opp ulike hinder mellom tre og stolpar i til saman 8 klatreløyper. Løypene har ulik høgde og vanskegrad.
Fleire løyper - for alle
Her fins løyper for dei aller minste barna der foreldre kan gå ved sidan av, familieløyper som passar dei fleste i tillegg til meir krevjande løyper for dei som likar det høgt og luftig.
Leikeområde
I leikeområde våra finn du både hoppeslott, Bagjump og hoppepute i tillegg til leikestativ og gullgraving. Så her er det spanande også for dei aller minste.
Ta turen til Valldal Aktivitetspark for ei aktiv og kjekk oppleving.
