Hildegunn & Leif-Per - UTAN KRINGKASTINGSORKESTERET

Mykje har skjedd sidan Hildegunn & Leif-Per tok heile landet med storm frå 1998-2010. Frua frå Ulsteinvik har skilt seg frå ektemannen, Per-Leif, men ho vaskar framleis kleda hans. Ho har òg blitt bestemor til sju - og har endeleg greidd å fullføra ei etterlengta utdanning som mental-coach. Den litt meir sindige ekssvogeren, Leif-Per, er framleis ein av Sunnmøre mest habile gitaristar, og er etter det rykta seier singel, trass i at han har kjøpt seg hytte med vakuumtoalett.


Denne gongen satsar radarparet frå Sunnmøre tungt på alle dei moglegheitene som melder seg når ein ikkje skal samarbeide med sjølvaste Kringkastingsorkesteret.

Spenn deg fast for ein humorkveld som ikkje liknar på så mykje anna!