Det er det einaste av sitt slag i landet og ein av dei største attraksjonane på Vestlandet. Slottet er mellom anna kjent for den storslåtte renessansehagen med eit vell av roser og den romantiske landskapsparken med det omkringliggjande kulturlandskapet.
Kulturprogrammet som vert offentleggjort kvart år i mars byr på konsertar, borggårdsteater, kammermusikkfestival og kunstutstillingar. På Baroniet Rosendal Avlsgård & Fruehus er det rom med frukost og middagstilbod i sesongen mai-september.
Fjord, fjell og fonn
Rosendal er omkransa av vakker natur, med rikt jordbruk og høge fjell. Bygda er utgangspunkt for mange flotte turar, der Melderskin, Skålafjell og Malmangernuten er blant dei mange populære vandringsturane. Kjem du med eigen båt til Rosendal, finst gjestehamna midt i sentrum.
Skålagato byr på koselege kafear, butikkar og hotell.
Fjordcruise frå Bergen til Baroniet Rosendal
Opplev den flotte sightseeingturen frå Bergen / Os til Rosendal med fjord, fjell og fossefall! Endestasjonen er bygda Rosendal, hvor det er en liten spasertur opp til Baroniet Rosendal. Billettar kjøper du i turistinformasjonen i Bergen eller på nettsida til Baroniet Rosendal.
