Velkommen til eit gardsopphald på Vingarden på Jølst, ein unik fruktvingard i Jølster. Overnatting er fordelt på to soverom og ein sovesal i andre etasje i huset. Dei nesten hundre år gamle veggane set ei rustikk og lun ramme for eit opphald med utsikt over Jølstravatnet, der ein kan late kvardagsmaset fare.
Standarden er enkel og rustikk. Det er totalt 12 senger tilgjengeleg, fordelt på to soverom og ein sovesal i andre etasje av huset på garden. Det er eit delt bad med toalett og dusj i første etasje, som også er ope for andre besøkande under ordinære opningstider på Vingarden. Det er ikkje heis i huset.
Sjølvbetent frukost er inkludert
Gje beskjed i forkant om allergiar eller andre preferansar som må takast omsyn til. Andre måltid kan bestillast på førespurnad, men kan berre garanterast når dette er avklara på førehand.
Vingarden på Jølst
Camilla, verten på Vingarden, er gründer av Vestavin og kjøpte denne garden i 2021 for å gjere den om til fruktvingard for Vestavin. Det er eit pågåande og kontinuerleg arbeid. I løpet av sommarmånadane er det stadig noko som må gjerast ute for å sørge for at alt som skal vekse og trivast gjer akkurat det.
Under opphaldet kan du velje å ta del i arbeidet på garden, som vil variere med dag, vêr og sesong, eller du kan velje å gå dine eigne vegar og oppleve alt det Jølster og nærområdet har å by på.
Opningstider på Vingarden på Jølst
Vingarden på Jølst er også open for andre besøkande. Gjennom heile året held utsalet ope torsdag ettermiddagar, og grupper kan bestille vinsmakingar og andre opplevingar på Vingarden. I juli og august er det ope kl 13-17 frå onsdag til laurdag med faste omvisingar og vinsmakingar kl 14-1530. Utanom desse opningstidene, får du stort sett ha Vingarden for deg sjølv.
Fasilitetar for overnatting
- Alle soverom er i andre etasje
- Soverom ein "Sørvest": Ei dobbeltseng, ein divan og ein sovesofa
- Soverom to, "Arka": To enkeltsenger
- Sovesal "Vevstova": Seks enkeltsenger
- Sjølvbetent frukost inkludert
- Sengetøy og handklede og andre basisartiklar inkludert
- Kjøkken og stove i første etasje.
- Delt bad med toalett og dusj i første etasje.
- Det er ikkje heis i huset.
- Det er ikkje wifi i huset.
- Innsjekk etter kl 15
- Utsjekk før kl 12
Gardsopphald er tilgjengeleg frå 1. april til 30. oktober.
Minstepris opp til 4 personar kr 3650 per natt
Kr 740 per person per natt for 5-12 personar
Rabatt tilgjengeleg etter avtale for opphald lenger enn 7 netter.