Jugendstilsenteret og KUBE kunstgalleri
Jugendstilbyen - særeigen stil med vakre detaljar. Løft blikket i Kongensgate eller i Apotekergata og jakt etter eit mangfald av ornament, spir og fargerike bygningar. Avslutt med eit besøk til Jugendstilsenteret og Kube.
Hellebroa
Ålesund er bygd på fleire øyar, og Hellebroa bind saman nokre av dei. Her har du eit perfekt fotostopp med utsikt til Brosundet.
Molja Fyr
Utsikta frå Molja fyr er nydelig både ein sommarkveld når folk samlar seg for å nyte solnedgangen, og i vakkert vinterlys. I tillegg til å vere eit fyr, så er Molja Fyr også eit hotellrom tilhøyrande Hotel Brosundet. Tenk å vakne opp her!
Fiskerimuseet i Ålesund
Fiskerimuseet i Ålesund fortel historia om korleis fiske har forma byen og regionen, og korleis utviklinga har vore frå enkle små fiskebåtar, til store og moderne fartøy med høgteknologisk utstyr.
Byrampen utsiktspunkt og byfjellet Aksla
Nyt utsikta frå Byrampen halvvegs opp til Aksla. Eller frå toppen etter du har gått dei 418 trappetrinna. Her kan du sjå heilt til Runde i sør, øyriket i nord og fjordane og fjella i aust. Vakrare utsikt finn du ikkje, i hvertfall ikkje om du spør dei lokale!
Sponland Foto - Print ut bilda og send heim til ein venn
Hos Sponland Foto kan du framkalle bilda, eller printe ut frå ein automat i det format du ønsker. Kanskje kan du ta med heim og henge på kjøleskapet, eller sende heim og friste ein venn til å besøke Ålesund?
