Bytoget - sightseeing i Ålesund
70 minutt med ein rundtur i byen der du kan sjå mange av byens attraksjonar, inkludert eit stopp på byfjellet Aksla. Nyt utsikta og få med deg høgdepunkta på ein avslappande måte.
Fiskerimuseet i Ålesund
Eit besøk på Fiskerimuseet ved sida av Molja fyr er ei reise gjennom fiskerihistoria. Frå tradisjonelle fiskemetodar til moderne høgteknologiske fartøy. På vegen til museet går du også forbi Jugendstilsenteret og KUBE. Musea tilbyr felles billett.
Byparken ved foten av Aksla
Frå Fiskerimuseet kan du gå til den grøne oasen Byparken. Her finn du statua av vikinghøvdingen Rollon. I sommar er også Parken Kulturhus ope enkelte dagar med aktivitetar, og det er startpunkt for dei 418 trappetrinna til Aksla.
Monumentet på Skateflukaia
Gå vidare ned igjen gjennom den vakre gågata til Skateflukaia, og heilt fram på piren ved monumentet over Englandsfarten. Her har du også fin utsikt.
Turistinformasjon i Ålesund
Stikk gjerne innom turistinformasjonen for meir informasjon dersom du skal vere her lenger, om du vil kjøpe ei utflukt, eller om du vil planlegge neste tur.
