Ramnenipa frå idrettsbana
Frå butikken på Hardbakke går du opp mot idrettsbana. Her finn du ein sti som tek deg heilt opp til toppen. Løypa har grøn gradering og tar ca. 1 time opp og ned.
På toppen av Ramnenipa
På toppen av Ramnenipa har du fantastisk utsikt over Hardbakke og Solund. Du kan enten velge å gå ned same veg, eller å gå ned i løypa som vender mot nord. Denne løypa har raud gradering
Ramnenipa rundt
Ønskjer du ein lenger tur kan du gå Ramnenipa rundt. Turen startar opp ein grusveg nedanfor idrettsbana, skilta Ramnenipa rundt. Turen er 5 km og du brukar rundt 2 timar. Stien er godt rydda og er utan store stigningar. På nordsida av Ramnenipa følgjer stien den gamle ridevegen mellom Hop og Hardbakke. Ridevegen var den fyrste, og lenge den einaste, offentlege vegen i Solund. Turen kan vere eit godt alternativ på vindfulle dagar, då deler av den går i skog.
