Rått, røft og full av kontrastar - i vinterhalvåret visar kysten seg frå sin mest mystiske og magiske side. Opplev ein rå, ufiltrert del av Norge
Vinteren langs kysten av FjordKysten og Sunnfjord er ofte ei stormfull oppleving, kombinert med eit fantastisk vinterlys. November til februar er høgsesongen for stormar! Kaldt vêr med snø er heller sjeldan på våre kantar, men vindfulle dagar har vi mykje av! Regionen er det mest stormfulle området i Sør-Norge, og det byr på spektakulære naturopplevingar!
Regionen er på sitt mest romantiske på vinteren, og det er fantastisk å ta nokon dagar fri for å oppleve naturkreftene. Her kan du oppleve den rå, ufiltrerte delen av Norge i trygge omgivelser saman med ein guide. Reis på stormjakt, vandre i flott kystlandskap, nyt god mat og bu godt.
Nokre dagar er klare og solrike, men som regel er stormfullt vêr rett under hjørnet. Å sjå bølgjane slå mot land frå eit utsiktspunkt i havgapet er eit fasinerande syn. Det milde klimaet gjer at du kan gå mange flotte turar året rundt. Når du treng ein pause frå ruskevêret kan du besøke lokale galleri og museum.
For det å bu godt er ein viktig del av opplevinga. Her kan du fyre i peisen om det fins, kryp under eit teppe og nyt varm drikke i koppen saman med dine nærmaste. Overalt møter du eit godt vertskap - det røffe kystklimaet vårt står i sterk kontrast til dei hyggelege folka som tek deg i mot.
Vertskapet ønskjer å gi deg og dine nærmaste gode matopplevingar og vil legge til rette for at dykk får den beste opplevinga.
Sunnfjord er kjent for flotte bunader og fjordlandskap, men har du sett skimulighetene her?
