På ein og same dag kan du oppleve vakkert fjordlandskap ved Dalsfjorden og idyll på sjarmerande øyer lengst vest i havgapet. Lura du på kva du kan gjøre i Askvoll? Her er vår toppliste
Opplev Norges vestlegaste bebudde samfunn, øyriket Værlandet og Bulandet, vest for Askvoll. Øyane her er som perler på ei snor, vakkert bunde saman av seks bruer og ein veg på 11 km. Desse øyane er eit populært reisemål for dei som liker sykling, padling, fiske eller fotturar. Det er herleg å dra på øyhopping mellom mylderet av øyer med sykkel frå Værlandet til Bulandet.
Ta turen til Alden og gå opp på den Norske hest – fjellet som stig nærmast loddrett opp av havet. 481 meter høgt og synleg meir enn 100 km til havs er Alden eit av dei mest markante seglingsmerka på Vestlandet. Frå toppen har du fantastisk utsikt i alle retningar
Les meir om dette i lenka under
Vandre langs gatene i Askvoll sentrum. Her kan du bli med på ei reise i Anders Askevolds motiv. Løypa te deg med til stader med tilknytning til kunstmålaren sitt liv. Ved å klikke deg inn på kulturvandring.no får du opp løypa med lyd og bilete medan du vandrar. Turen har 10 punkt med historia om Anders Askevolds motiv, og tek om lag ein time.
Ta med deg sykkelen og utforsk den sjarmerande øya Atløy. Frå Gjervik kai sykler du 11,6 km på flotte vegar mot Herland. på vegen kan du besøke trekyrkja Vilnes som vart bygd i 1674. Atløy er eit turparadis med mange gode turmoglegheiter. Sykle mot Brurastakken og bestig fjellet som er pynta i stripete skjørt med fargane svart, kvitt og grønt. Fjellet er lett synleg når du kjem sjøvegen og er eit eldorado for geologar på feltarbeid. Det er tilrettelagt ei geologiløype som startar på høgda ca. 2 km frå Herland. Få stader har so rik og mangfaldig geologisk historie som Askvoll-området. På Brurastakken finn du spor etter tre fjellkjedefoldingar, eit resultat av at kontinentplater har kollidert og fjellkjeder har bygd seg opp, før dei har blitt erodert flate igjen. Frå Herland er det og merka løype opp på Brurastakken.
Sykle gjennom lite trafikkerte landeveg i Askvoll. Frå Stongfjorden til Askvoll syklar du langs med Eidsfjorden gjennom svingete veger og fascinerande fjell.
I den idylliske bygda Holmedal finn du knivfabrikken Helle knivfabrikk. Fabrikken produserer høg-kvalitet knivar inspirert av fjord og ope hav. Her kan du besøke fabrikkutsalet og gjere eit godt kjøp.
I Rivedal kan du sjå statuen av Ingolf Arnarson, som grunnla den første busetnaden på Island.
Stongfjorden, bygda som var ein av dei første og viktigaste industristadene i Norge. Her kan du bli med på kulturvandring i Norge si tidlige industrihistorie. Løypa er 1.2 km lang og har ni stopp.
Nord for Askvoll finn du Blåfjell, 533 moh. Du kan gå frå Askvoll sentrum, eller ved parkeringsplasen på Askvoll Øvre. Dei første 800 meterane er det felles sti med tur til Sandvika. Etter ca. 500 meter passerar ein skoggrensa, og resten av turen opp til toppen går i ope fjellterreng. På toppen kan du nyte fantastisk utsikt.
Turen opp det 1305 moh. høge fjellet er kravjande, men naturopplevinga desto større. Frå toppen kan du nyte synet av Sogn og Fjordanes bratte fjellverden frå oven! Du ser den fantastiske vestlandsnaturen med fjord, fjell, isbre, øyar og hav så langt auge rekkjer.
