Dagane blir lysare. Vinteren har gjort Sunnmørsalpane til eit stort leikeland med toppturar, skisenter og forfriskande fjordluft. Oppi det heile poppar også gourmetopplevingar opp i Stranda sentrum. Hit kjem rådyktige PopUp-kokkar og nyttar lokale råvarer til å skape smakane du aldri gløymer. Kom hit, og kjenn dufta, smaken og vindpusten av fjell-vinteren som blir til fjord-vår.
No poppar alt fram på Stranda og i Geiranger
PopUp Norge pakkar sekken, og har med kokkar, servitørar og gjer lokale smakar frå fjord og fjell til vinterkos på Stranda.
Sunnmøre byr på fantastiske skiturar med fjordusikt.|© Håvard Myklebust / Strandafjellet
Følg med på kven som bli gjestekokkar på PopUp Stranda. | © PopUp Norge
«Vi pakkar sekken med vin, servitørar, interiørarkitekt og ikkje minst kokkar som kan skape den beste opplevinga med lokale råvarer og gode forteljingar.»
Toby Skinner i Conde Naste Traveller utropte Stranda som ein av dei beste skidestinasjonane i Europa. I Sunnmørsalpane får du fantastiske fjell, men også fjordutsikt og gode opplevingar. Frå 28. februar og til 29. mars 2025 får fjord- og fjellbygda ein ekstra attraksjon. Skinkerådhuset midt i Stranda sentrum blir til ein ny restaurant kvar veke med nye kokkar og menyar.
Jannet Aksnes og resten av gjengen i PopUp Norge elskar å reise rundt i landet vårt for å skape topp-restaurantar der ingen skulle tru at nokon kunne drive med smaksmenyar. – Men det er det klart vi kan! Vi har med kokkar, servitørar, interiørarkitektar og vin. Bygda stiller med eit fantastisk innreidd Skinkerådhus, råvarer, nydeleg natur og for Strandas del: ei svært rik industrihistorie og utruleg positive innbyggjarar, fortel Jannet med entusiasme. Ho har fått med seg lokale historieforteljarar til å formidle industrihistoria.
Delikate matrettar som appellerer til alle sansar | © Håkon Hoseth/PopUp Norge
– Restauranten vår blir eit møtepunkt mellom tilreisande og dei som bur i nærområdet. Det har det blitt der vi har gjort det før, frå Svalbard i nord til Otternes i Aurland i sør. Med ulike gjestekokkar og ulike menyar kvar veke, kan du få oppleve noko nytt heile tida, utdjupar mat- og reiselivsentusiasten.
Ta deg ei pause på Stranda og Strandafjellet
Toppkokkar kjem til Stranda, har med seg sine idear og favorittråvarer, blir inspirert av naturen, historia, råvarene og skapar unike matopplevingar i fjordbygda som ligg i hjartet av Sunnmørsalpane.
«Når kokken får møte dei lokale produsentane oppstår ofte dei gode ideane som fører til dei beste rettane.»
Deilige smakar vert tilberedt av dei beste kokkane.
Program for PopUp Stranda
Skinkerådhuset blir restaurant frå 28. februar til 29. mars.
Her finn du litt meir detaljar om kva som skal skje og når:
- Kvar laurdag kl. 12.00 - 16.00 kan du nyte Afternoon Tea
- Mandag–laurdag kl. 19.00 byr PopUp-kokken på 4-retters meny, med unntak av 6. - 8. mars og 20. - 22. mars.
- 6. - 8. mars kjem gjestekokk med 7-10-retters meny
- 20. - 22. mars kjem gjestekokk med 7-10-retters meny
Her kan du overnatte
Eit alpelandskap med fjordutsikt
Stranda ligg midt i Sunnmørsalpane. Her er det gode skiforhold for deg som vil bli med Ræin Adventures eller Uteguiden på guida topptur, eller nyte ein dag på eit skisenter der du ser fjorden, og kan suse ned over deilige fjellsider.
Guiden tilpassar turen vêret, føret og erfaringa til deltakarane. | © Uteguiden
«Stranda er ikkje berre ei matoppleving. Det er ein skidestinasjon.»
Når du først er i Sunnmørsalpane bør du nytte høvet til å gli gjennom snøen. Både på Strandafjellet og Fjellsætra ligg toppklasses skianlegg med fjordutsikt og løyper på alle nivå. Det er også mange moglegheiter for deg som vil oppleve pudderføre. Gode guidar kan også finne toppturen som passar for nett deg og følgjet ditt.
Opplev Sunnmørsalpane i vinter
Jorda og lufta gjer noko med folka – og maten
Litt sør for Stranda sentrum ligg Skarbø gard. Der har familien til Kristine Skarbø i åtte generasjonar skjøtt landskapet og dyra. Fjord- og fjellufta har gitt næring til folk, frukt og fe.
© Oddgeir Visnes / TIBE
«Det er kjekt at kokkane set søkelys på dei gode råvarene med kort veg frå jorda her til bordet på Skinkerådhuset.»
– Her på garden er det viktig for oss at arbeidet vårt er heilt frå jorda til bordet. Smaken av våre eple og vår mjølk kjem frå dette landskapet. Det skapar sideren, jusen og osten som kokkane kan skape endå større opplevingar ut av, seier Kristine. Ho gleder seg til å syne fram landskapet, og at gjestene verkeleg får sjå og nyte det vi i fjordlandskapet kan by på.
Jannet i PopUp Norge er einig. – Kokkane som kjem til oss skal få kose seg med dei unike gode lokale smakane: skinka, fisken, sideren, juicen, ostane, ja, til og med Grandiosapizzaen skal dei få prøve seg på, smiler Jannet.
Gjestane som kjem om vinteren kan handle ost og cider på den heilårsopne gardsbutikken på Skarbø Gard, nokre minutts køyretur frå sentrum i Stranda.
© Tibe/visitalesund
Kokkane får eit par dagar til å bli kjend med produkt og produsentar før dei set menyen endeleg. Ofte blir dei påverka av alt dei får sanse dit dei kjem, og endrar rettane slik at dei treff oss som gjester endå betre. Når dei møter Carlos, Kristine og andre som produserer, sanker og fangar mat i Stranda finn dei dei beste ideane for dei unike råvarene.
© Oddgeir Visnes / TIBE
Fleire lokale bønder, sankarar og fiskarar leverer unike råvarer som du kan få servert hos PopUp Stranda i vinter. Bli med på Afternoon Tea, 4-retters lokal meny, eller 7-10-retters smaksmeny med spennande gjestekokkar. PopUp Norge har oppdatert informasjon om kven som kjem når.
La fjorden og lyset føre deg til Geiranger
Følger du Storfjorden innover til Stranda kjem du til UNESCO-verdsarv Geirangerfjorden. Berre ein halvtime unna Stranda ligg ferjekaia på Hellesylt. Her kan du ta bilen på ferja frå Hellesylt til Geiranger. Turen frå Stranda til Geiranger har sjeldan vore enklare. – Og før ombordkøyring på Hellesylt kan du stikke innom Hellesylt Boutique & Bar på Hellesylt for ein triveleg handel. Du kan også velje å la bilen stå og reise til Geiranger med vinterfjordcruiset som går mellom Ålesund, Stranda og Geiranger. Husk å bestille billett på førehand.
Vintercruise på Geirangerfjorden er ein frisk og vakker oppleving. | © Fredrik Ahlsen, Maverix - Visitnorway.com
Fjorden og fjella syner seg frå sine vakre og trolske sider, ikkje minst om vinteren. For matentusiasten tilbyr restaurantar som Brasserie Posten deilige, lokale smakar, men du kan også få ei rekke andre opplevingar i verdsarvsbygda, og du kan sjølvsagt overnatte der. Det er ikkje berre dufter og smakar som får auga dine til å lyse opp. Under Geiranger lyskunstfestival i midten av februar kjem norske og internasjonale lyskunstnarar og gir deg lysinstallasjonar, konsertar, og lyskunst mot bygningar og natur i verdsarvsbygda.
