Opplev Trollstigplatået og ein stor meny av spennande aktivitetar i sommar. Reis til Valldal, eller jordbærbygda som ho også er kjent som – midt mellom Trollstigen og Geiranger. I tillegg til smakfull frukt får du her servert ein verdsarvfjord og spektakulære fjell. I desse omgivnadane står aktivitetstilboda i kø for heile familien.
Nyt ein blikkstille fjord der fjellsidene speglar seg – og høyr fossane som brusar. Frå både Valldal og Tafjord kan du bli med på guida kajakkturar med ulike lengder, samt kajakkurs om du vil lære meir om teknikk og redning. Vil du prøve deg på SUP (Stand up paddle board) so kan du få magiske opplevingar med Ræin på den fredfulle UNESCO-verdsarvfjorden Tafjord.
Opplev Trollstigen frå Trollstigplatået – med bil eller på el-sykkel med Uteguiden. Her kjem du tett på både ingeniørkunst og natur. Bli med på guida fjellturar på ulike nivå som er tilpassa både små og store. Kanskje vil du oppleva Bispen, Mefjellet eller Tafjordfjella. I tillegg til spektakulære og trygge opplevingar, veit ein guide om dei beste plassane for både fotostopp og matpausar. Og så får du gode historier med på kjøpet.
Om du vil prøva juving, kan du hoppe i det blågrøne vatnet ved Gudbrandsjuvet og kjenne blodet bruse av glede. Her er du omringa av kulissene rundt Juvet Landskapshotell, der HBO-serien Succession ble spelt inn, samt storfilmen Ex Machina. Eller kva med å rafte ned elva Valldøla? Her finst spennande og morosame stryk for både familien og deg som søker eit skikkeleg adrenalinkick.
Er du glad i høgder kan kanskje dette vere midt i blinken. Prøv familieklatring i Fjøra med Uteguiden, eller rappellering ned Zachariasdammen saman med Ræin og Ville Krefter. I Fjøra, knappe 5 minutt frå Valldal, kan ein også vere med på ein guida grottetur.
Med over 1400 meter klatreløyper, finn ein små og store ziplines, leikeapparat, hoppeputer og andre hindringar med ulike vanskegradar. Og kanskje også eit troll. Parken er open kvar dag midt på sommaren, i haustferien og i helgene på våren og hausten.
Tafjordfjella ligg i Reinheimen Nasjonalpark – villreinens sitt rike. Her finn du eit stort rutenett og populære turistforeiningshytter i Tafjordfjella. Eksempelvis Reindalseter med sine 76 sengeplassar. Med ein god naturguide frå til dømes Ræin eller DNT, vil du få gode historier om alt frå den unike geologien til spektakulære hendingar som skjedde i fjella under andre verdskrig. Eller kanskje du vil vandre aleine, utan mål men med masse meining. Når du kjem ned att til fjorden, kan kanskje Kraft- og Skredsenteret Ville krefter vere spanande. Her kan ein blant anna lære om skredkatastrofen kjend som Tafjordulykka, eller prøve Escaperoom.
Herlege jordbær, plommer og epler. Valldal er ei frodig og fargerik bygd både på sommar og haust. Besøk gjerne Lingebakken gardsutsal og smak på sesongens frukt, juice eller sider. Meir kortreist smaksfyrverkeri får du ikkje. I tillegg finn du fleire koselege spisestadar i sentrum, samt fine overnattingsstadar, enten du likar hotell, tradisjonell camping eller litt finare glamping.
Nasjonal Turistveg Geiranger-Trollstigen fram til utsiktspunktet på Trollstigplatået er ope. Det er kun svingane mellom Isterdalen i Rauma og opp til Trollstigplatået som er stengt i 2024.
Åndalsnes/Ålesund – Sjøholt (E136) – Valldal (fv 650) – Trollstigplatået (fv 63).
