Ein stad ikkje alle veit om - enno!

Kor ligg FjordKysten og Sunnfjord?

Like nord for Bergen ligg FjordKysten og Sunnfjord. Regionen strekkjer seg frå Solund i sør til Måløy i nord og Sunnfjord i aust, og har eit stort geografisk nedslagsfelt.

Så langt vest du kjem i Norge finn du ei eineståande kystlinje med sjarmerande øysamfunn og fjordbygder som har ei rik og spanande historie.

Fyrsafari til Noregs vestlegaste fyr

På øya Utvær står Norges vestlagaste fyr. Fyrtårnet i støypejern ragar 31 meter over berget og sender lyskjegla i 45 meters høgde over havflata. Det mest fasinerande er likevel naturen og havet - lengst vest i Norge. Om sommaren kan du oppleve Utvær gjennom ein fyrsafaritur.

Like nord finn du Florø med sin imponerande skjærgard. Med øyane like varierte som dei er vakre har du alle moglegheter for å finne noko som treff ditt hjarte. Vi må likevel trekke fram eit par imponerande syn som vi meiner du ikkje vil gå glipp av.

Stabben fyr

Like utanfor den sjarmerande kystbyen, i hovudleia for båtane som navigerar seg rundt holmar og skjer, finn du Stabben fyr, eit av dei mest særprega fyra i landet. På eit glatt, avrunda skjer midt i skipsleia, vart det i 1866/67 bygd eit kraftig fyrhus på ein vel fundamentert steinsokkel, sett i mørtel, og samabunden med jern. Grunnen for at fyret vart reist, var det fårlege, ureine og straumsterke farvatnet som truleg var eitt av dei vanskelegaste navigasjonspunkta på norskekysten, også etter at fyret vart tent. Tømmerhuset på 12 x 8,3 meter, med muren laga av 108 båtlaster med gråstein, fyllar heile skjeret til nær siste kvadratmeter. Eit ynda motiv for kunstnarar og fotografar i dag.

Nordsjøporten

Om du finn Atlanterhavsveien imponerande, har du endå ei storslått oppleving i vente, berre mindre trafikkert, og mindre kjent. Midt i havgapet, godt vakta av den majestetiske Alden, ligg øyane Værlandet og Bulandet på ei snor, vakkert bunde saman av Nordsjøporten sine seks bruer og 5.240 meter veg. Øyriket Værlandet og Bulandet er Norges vestlegaste bebudde samfunn, og er eit fantastisk reisemål for dei som likar sykling, padling, fiske, fotturar, eller berre det å nyte stillheta for seg sjølv.

Alden, Den Norske hest

Det er ikkje til å unngå å sjå den majestetiske Alden, også kalla den Norske hest, når ein reiser med ferga ut til øysamfunna Værlandet og Bulandet. Fjellet ruvar 481 meter over havet og er synleg meir enn 100 kilometer til havs. Dette gjer det til eit av dei mest markante seglingsmerka i Fjord Norge. Frå toppen har du utsikt i alle retningar. Fjellturen til Alden er ein fin familietur for fjellvandte barn.

Dei fire hestane

I FjordKysten og Sunnfjord finn du mange hestar du kan bestige. Ei av dei er Lihesten som vert beskrive som majestetisk, trolsk og utfordrande. Heilt frå vikingtida var fjellet eit viktig landemerke. Her søkte Olav Kyrre ly under fjellet medan han vurderte å leggje ein by til Lifjorden. Det er mogleg å gå mange turar og bruke mykje tid i dette særmerkte fjellmassivet i Hyllestad. Dei mest populære turane er opp til Risnesnipa, 777 moh og til Gygrekjeften 710 moh.

Dalsfjorden rundt

I botnen av fjorden, der det mektige vassdraget Gaular munnar ut finn du Dalsfjorden. Dalsfjorden er omringa av eit flott turterreng og gode opplevingar. Her kan du blant anna besøke Fossedalen, reise på guida RIB-tur safari til den mektige Laukelandsfossen, eller nyte spektakulær panoramautsikt frå Heileberget, 761 meter over fjorden. Her står opplevingane i kø

Kystbyen Måløy

I Måløy har nærleiken til havet satt sitt preg på både næringsliv, landskap og menneske. Her kan du puste inn den friske sjølufta, og la deg fortrylle av den endelause horisonten medan du vandrar langs den kvite sanstranda på Refviksanden.

La bølgesuset bli din meditasjon, og solas varme omfamne sjela di.

Dykk ned i historia på Måløyraidsenteret. Her kan du sjå originale bilete og metervis med original film frå Måløyraidet i 1941. Når du først er i Måløy er det nesten obligatorisk med eit stopp ved Kannesteinen. Den spesielle steinen er forma av hav og bølger gjennom tusener av år, og slipt med vannbeveging.

Å, fagre Sunnfjord

Vatn. Som morgondogg på gule kronblad når soleienatta lysnar av dag. Som ei vernande kappe i den store, blå frosten på breen. Som ein spegel å strekkje seg mot, for grøne bøar og snøkledde fjell. Brått glimtar det i sølv og gull over vassflata, i ein augneblink ser du auren leike i sollyset. Slik dropane under iskanten blir til elvar, fossar og vatn, blir augneblinkar til timar, dagar og år. Følger du vatnet finn du løyndomane. Og let deg fange, for ei stund eller for alltid. I evig vakre Sunnfjord

Toppturareldorado

Topptur er ikkje einstydig med vinter. Toppane er der om sommaren og. I Sunnfjord finn du alt i frå lette til krevjande, slakke og bratte, korte og lange, sti eller ur, snø og bre, alt du måtte ønske! I dalane og fjellet kan du vandre i timesvis, ofte utan å sjå nokon andre!

Kunst og kultur rundt kvar ein sving

I Sunnfjord finn du kunst og kulturopplevingar rundt kvar ein sving. Her, i Astrup sitt rike kan du reise til kulturelle høgepunkt og storslagne historiske stader. Du vert invitert til opplevingar som fortel om verdskjent kunst og kunstnarliv på Astruptunet, Sogn og Fjordane Kunstmuseum og Eikaasgalleriet, og du kan få oppleve dei historiske stadene som Sunnfjord Museum, Jølstramuseet, Hestad Kapell og Luftkampmuseet for å nemne nokon.

I FjordKysten og Sunnfjord ligg kulturen i ryggrada vår. Her vil du få ei inspirerande historie, og du vil møte fine folk!

Når vegen er sjølve destinasjonen

Den Nasjonale Turistveg Gaularfjellet går langs ein arm av verdas lengste fjord, Sognefjorden, før den smyg seg opp dei bratte dalsidene mot fjellet. Vegen vidare følgjer det verna Gaularvassdraget som er kjent for sine mange fossefall, men som også har stryk og rolege fjellvatn. Langs delar av vassdraget er det bygd ein fossesti for å gjere dei sjåverdige partia meir tilgjengelege.

Ei fredeleg ferd langs verna vassdrag, fossar og ein stille fjordarm. Her kan barn og vaksne oppleve aurefiske på sitt beste, og vandre på fine stiar langs fossar og stryk. Her er også tilbod om å leige båt og kano, samt gode tilhøve for dei som likar å vandre i fjellet.