Geiranger
Sunnmøre kan friste med kjende fjordar som Geirangerfjorden som har vore på UNESCO si verdsarvliste sidan 2005, og er rekna for å vere eit av dei mest særmerkte fjordområda på jorda. Dette området er eit eventyrlandskap av majestetiske, snødekte fjelltoppar, ville og vakre fossar, frodig vegetasjon og den djupe, blå fjorden. Og ikkje minst fjellgardar plassert på stader du ikkje skulle tru nokon kunne bu.
Ålesund
Ålesund har av blant anna National Geographic blitt kåra til ein av Europas vakraste hamnebyar. Etter bybrannen i 1904 der 850 hus brann ned og 10 000 menneske vart heimlause, vart Ålesund bygd opp i jugendstil. Ein gåtur opp dei 418 trappetrinna opp til byfjellet Aksla der du kan nyte utsikta frå fjord til kyst er anbefalt. Herifrå er det ikkje langt til andre store opplevingar på Sunnmøre.
Sunnmørsalpane
Hjørundfjorden ligg vakkert til med Sunnmørsalpane som ramme. Perfekt for toppturar og aktivitetar heile året, og idyllisk med dei små bygdene som ligg som perler på snor, nokre av dei kun tilgjengeleg med båt. Her følgjer du i dei kongelege sine fotspor, og kan bu på historiske hotell og berre nyte naturen. Strandafjellet ligg og i kort avstand, og er eit eldorado for skientusiastar.
Sunnmørskysten
Kysten vår består av mange øysamfunn, frå fugleøya Runde i sør, til Ona i nord. Bli med på spennende safari til sjøs og opplev sjøfugl, havørn og sel. Bli bedre kjent med fuglelivet på Runde på ein av sightseeingturene på øya om sommeren. Fuglelivet kan opplevast heile året, men toppsesongen er mellom april og august. Inkluder og gjerne eit besøk på Runde miljøsenter med utstilling om Rundeskatten og stor fugleutstilling.
Berre 15 minutt med bil frå Ålesund og 10 minutt frå flyplassen på Vigra ligg Alnes. Dette er eit sjarmerande fiskevær med panoramautsikt over storhavet. Her kan du gå i vakkert og variert turterreng i fjell og fjøre og oppleve maleriske Alnes Fyr. Ramsalte opplevingar med båtliv og fiske, dette er kystlivet på nært hald.
